渡邊無眉娘裝戴3億日元戒指閃爆亮相橋本環奈白石麻衣獲獎

日本每年舉行一個頒獎禮表揚最佳佩戴珠寶嘅名人，今年二十代同三十代嘅得獎者分別由女神橋本環奈及女團乃木坂46前主將白石麻衣。

橋本環奈一向喜歡戴首飾，之不過佢唔太有信心駕馭高級珠寶，有時見到前輩們呈現出淡定自如嘅感覺，佢都好希望可以成為一名珠寶配襯嘅女人；而白石麻衣從小就喜歡閃閃發亮，佢入行後建立自己嘅首飾品牌，終於夢想成真。

渡邊直美同瀨戶康史獲得特別獎，渡邊以無眉娘裝、戴3億日元寶石戒指現身閃爆全場，立即成為全場焦點，佢笑指手不停震；瀨戶康史就放閃稱最重視係結婚戒指，戴喺手上有一種平靜踏實嘅感覺，因為努力工作就係為咗家人。

#橋本環奈 #白石麻衣 #渡邊直美 #瀨戶康史

#TVB #無綫新聞 #News #StayHome #WithMe #跟我一樣 #宅在家